هيا نتعلم
اليوم سنتكلم عن دهان الابواب لاكية
اولا الطلبات
لو عندك مثلا 2 شباك
1 بلكونه
4 ابواب غرف وباب حمام
لو خشب جديد
بياخد 2 جالون سيناتون 2فى 1
1 جالون سينتال 2فى 1
5متر سنفرة 120
5متر سنفرة 150
2ك معجون حديد
3 زنك
3 جركن نفط فرنساوى
فرشة 2 بوصة +رولة موهير
طقم سكاكين معجون صلب
وللغسيل الفرش والرولة هات جركن جاز او بنزين اوتنر
لو خشب قديم ومندهنش بقاله فترة طبعا الطلبات بتذيد حسب الخشب
بسم الله نبدء
وش سنفرة جيد ب 120
او لا لو خشب غشيم بندهن وش بطانة من السيناتون المخفف بالنفط الفرنساوى
ك من السيناتون مع حوالى ربع لتر نفط وحسب متلاقى الفرشة فى ايدك وكل ماتحس انه تقل زود نفط
دهنت الخشب وش بطانة البطانة دى لحماية الخشب من الرطوبة والتسوس  سيبه يوم كامل وبعدها وش سنفرة خفيف 120
بلقط الخشب بمعجون حديد الكسور والاخرام والفتحات
 معجون الحديد معاه مثبت امبوبه بتاخد مقدار الكسر اللى هتعلجة يعنى متزودش اكتر من ملو معلقة كبيرة من المعجون وعليها قطعة مثبت لاتزيد عن مقدار حبة الزرة وقلبهم جيد على رخامة واو سراميكه بسكينة معجون ولقط الخرم او الكسر ومتخليش فيها زوايد علشان صعب جدا فى السنفرة بينشف بعد 1ساعة
خلصت معجون الحديد نروح لمعجون الكيه
بتفضى حوالى 1ك من السيناتون فى علبة نظيفة وعليها 1ك زينك وحوالى 22 غطاء نفط وحسب السكينة ماتمشى معاك زود نفط
انا بافضل سحب المعجون الاول بالفرشة بدهن جزء بالفرشة وبسحبه بالسكينة قبل ماينشف
خلصت المعجون
ارجع للباب الاول وعيد الكرة وش معجون تانى وشيل الرتوش والزوايد قبل ماتمعجن الوش التانى
سيبة لتانى يوم حوالى 25 ساعة
وش سنفرة 150
واخيرا وليس اخيرا
وش بطاانة ثانى
1ك سينتال +1ك سيناتون وخففهم بالنفط او التنر او البنزين
رولة موهير وفرشة 2 بوصة
غطس الرله فى البويه صفيها وادهن الخشب وشبعة
 والزواى والاماكن الضيقة زى البلكونة او الشباك بالفرشة وبعد الدهان عيد النظر على ترطشه او رتوش مس بالفرشه من غير بوية
فاضل ايه وش الفنش ياجميل
حسب اللون اللى انت عوزه من الداخل او الخارج الباب بياخد حوالى نصف ك لاكية
 بردو بالروله بتدهن اللون الداخلى حسب لون الغرفة او ابيض بيكون سينتال مخفف ومن الخارج مثلا بنى بياخد نصف ك لكية بنى
 البلكونه او الشباك اما تدهن بتشوف اتجاه فتحات الشيش من بره بتدهن الشباك وهو عدل من الداخل بتقلب الشباك او البلكونه اللى فوق تحت ليه علشان ما تسيلش البوية على الجانب التانى وبعدها بتمس الرتوش او التسيل بفرشة فاضية من غير بويه وبقدا معاك قطعة نجارة تحفه
فيه لكية مغسول للموبيليا نفس الشغل بس بتزود المعجون حوالى 77 مرات وبعد كل مرة سنفرة وبعدها نفس الخطوات بتاعت الابواب
اخوكم فى الله صبر عطافى
نقاشة كهرباء نجارة ومرمات داخلية شاملة 01126545615
 شارك الموضوع ليتعلم الجميع ويستفيد الانسان حتى لو مشتغلتش بايدك هتكون عرفت الخطوات المطلوبة وتابع الصانيعى علشان ما يغشكش فى صنعته لانه ممكن يطلب طلبات كتيرة ويسرق نصف الخامات ويدهن بدون معجون او وش سيناتون



تعليقات

إرسال تعليق

المشاركات الشائعة من هذه المدونة